البيت سكن الحيطان
الحيط انعكاس برة
برة البيوت الناس بتحن للخرسان
الشاشات زنازين
الوشوش هامش
المسئلة ناقصة
المتن مش برهان
الباقي متفرق
و الصورة متواترة ..
لفظاً .. وماتنشاف
***
اليأس تايه
زي حركات الضباب
زي دخان السيجارة المنتبه فـ الليل
اليأس تايه
من وحدته فيا ...
يا هذه الجدران
يا مسرسبين الوَش جوايا
يا محجبين الشمس
وموسوسين الريح ما تقربليش
ليه الجهات فـ السكة مابتمشيش
***
كنبة !!
***
إزاي أسمي الحاجات
و أنا اسمي معرفهوش
واقف .. كل الجهات حواليا متساوية
لسه السما ..
فوق مابلحقهاش وإن شبيت
و لسه الأرض بتشد أحلامي لتحت
فـ اضحك علي الحاصل وأدوب فـ الضل
يدوب الضل ع الأسفلت .. مستني
الحركة أضيق
م السكة اللي مابتمشيش
أضيق .. من ميكروباص
بيجر ع الاسفلت أسمي
الحركة أضيق
م السكة اللي مابتمشيش
والريح ريحتها كمكمت
علي أول الكورنيش حرس
و موقفين الليل ..
و موقفين البحر .. مابيجريش
الحركة أضيق
***
نبرة الأيام طناش
" حتي يأذنَ وقتٌ
أعني
حتي يأتىَ فجرٌ آخرُ "
طفي الأسئلة
واتقمص الحشد العظيم
و ارسم ملامح واضحة للقاهرة
و اياك يوسوس لك نظر ..
تُنظر
استتبع العميان
رَيّح علي الكنبة
الحيط انعكاس برة
برة البيوت الناس بتحن للخرسان
الشاشات زنازين
الوشوش هامش
المسئلة ناقصة
المتن مش برهان
الباقي متفرق
و الصورة متواترة ..
لفظاً .. وماتنشاف
***
اليأس تايه
زي حركات الضباب
زي دخان السيجارة المنتبه فـ الليل
اليأس تايه
من وحدته فيا ...
يا هذه الجدران
يا مسرسبين الوَش جوايا
يا محجبين الشمس
وموسوسين الريح ما تقربليش
ليه الجهات فـ السكة مابتمشيش
***
كنبة !!
***
إزاي أسمي الحاجات
و أنا اسمي معرفهوش
واقف .. كل الجهات حواليا متساوية
لسه السما ..
فوق مابلحقهاش وإن شبيت
و لسه الأرض بتشد أحلامي لتحت
فـ اضحك علي الحاصل وأدوب فـ الضل
يدوب الضل ع الأسفلت .. مستني
الحركة أضيق
م السكة اللي مابتمشيش
أضيق .. من ميكروباص
بيجر ع الاسفلت أسمي
الحركة أضيق
م السكة اللي مابتمشيش
والريح ريحتها كمكمت
علي أول الكورنيش حرس
و موقفين الليل ..
و موقفين البحر .. مابيجريش
الحركة أضيق
***
نبرة الأيام طناش
" حتي يأذنَ وقتٌ
أعني
حتي يأتىَ فجرٌ آخرُ "
طفي الأسئلة
واتقمص الحشد العظيم
و ارسم ملامح واضحة للقاهرة
و اياك يوسوس لك نظر ..
تُنظر
استتبع العميان
رَيّح علي الكنبة
