وكأن بحر بيجرى
عالأسفلت
ورايا ...
الموج مُهرطق
والشط ع القهوة
مرة
الجرايد ع الرصيف هاجت
سحبت سطور من عرضها كبيرة
عصفت بـ جيل مُمطر ..
فـ اشارة عطش
وكأن دم بيجري ع الأسفلت
ورايا ...
اللون مُهرطق
العين مهيش بتخون
مرة
انجذبت لـ سكة
مش شبهي
ومشيت فـ جوف الحنجرة
وغرقت فـ الصرخة
وكأن ....
فجأة انكشف فـ الغيب
سواد
يومها ارتكبت الجري
عكس الانجذاب
ورايا ...
كانت قيامة فـ ليل
بيتسرسب زي الوقت ع الحيطة
زي الوجع .. مِعوِج
كأنه سكة قطر
مش قاصدة غير مسافات
مرة
سِكِتّ وكأني رب
إله
وكأن بحر بيجرى 
هناك تعليق واحد:
u've better thn that ma friend
:)
إرسال تعليق